Mánadagin 18. mars 2019, var ein trygdarvenjing umborð á Norrønu. Smyril Line hevði avtalað við Vinnuháskúlan, um at fáa øll starvsfólk og lesandi við sum statister.
Venjingin byrjaði við at øll møttu á Farstøðini í Havn kl. 07:20, fyrst vóru allir luttakarar skrásettir áðrenn teir fóru umborð.
Tá øll vóru komin umborð møttust vit í Naustbarrini, har skiparin Petur av Vollanum og Heini Østerø frá Tórshavnar Sløkkiliðið,  kunnaði okkum um, hvat fór at henda umborð.
Síðani blivi øll sett ymsar staðir umborð, nøkur av dekkunum vóru fylt við royki.
Norrøna legði frá landi og sigldi út á Nólsoyrafjørð. Síðani boðaði skiparin, Bogi Petersen frá, at eldur var í forskipinum og heitti á øll ferðafólkini, um at vera inni á kømrunum, til vit vóru heintað av manningini.
Eftir einari løtu kom manningin eftir fólkunum og leiddu okkum til samlingsstøðini. Eftir eina langa løtu fingu við boð um at øll ferðafólk skuldu flytast av skipinum, síðani vóru vit leidd niður á dekk 3 og vóru leidd út gjøgnum eitt síðuprtur, har Ziska tók ímóti og síðani yvir í smærri bátar og flutt til Ternuna, sum førdi okkum á Havnina, har løgreglan tók ímóti okkum og førdu okkum til Ítróttarhøllina á Hálsi, har vit øll blivi skrásett.
Áðrenn venjingin endaði fingu øll luttakandi eina minni máltíð.

Her eru nakrar myndir frá venjingini.